Fiofanana :Vehivahy injeniera mahafehy fitaovana mampiasa herin’ny masoandro (FIS)
Voafidy ireo vehivavy avy ao amin’ny Fokontany Ampanasina, Kaominina Ambanivohitra Antsaravibe, Distrikan’i Ambilobe izay hanaraka fiofanana mandritra ny 4 volana any Tsiafajavona Ambatolampy Faritra Vakinankaratra. Vehivavy ho lasa Injeniera amin’ny fifehezana ireo fitaovana mampiasa herin’ny masoandro na « Femme Ingénieur Solaire » (FIS) moa no fiantso azy ireto.
Voafidy torak’izany koa ireo solontenan’ny vahoaka ao anatin’ny Komity mpitantana jiro any an-toerana.
Fitondrany anjara biriky amin’ny fampandrosoana, ary fanampiana azy ireo no tanjona amin’ity tetikasa FIS ity.
Ho an’ny Fokontany Andavoanemboka, Kaominina Ambanivohitra Antsimbondrona, Distrikan’Ambilobe kosa dia nampahafantarina ny vahoaka ireo vehivavy « FIS » vao nahavita fiofanana sy ny Komity mpitantana ny jiro. Efa an-dalam-pamitana azy ankehitriny ny tranon-jiro sy ny toby ho an’ireo fitaovana hiasan’ireo FIS any an-toerana.
Ireo no tatitra avy amin’ny DIEH Antsiranana taorian’ny fidinany ifotony, ny 28 sy 29 Aprily lasa teo, niarahany tamin’ny ekipan’ny BC MADA, WWF, SDPPSPF Ambilobe (Service Population), Lehiben’ny Distrikan’ Ambilobe.
