Fampiroboroboana ny 3 PHanamafy ny fiaraha-miasa ny « WELIGHT »
Tanàna miisa 172 any ambanivohitra no efa misitraka herinaratra ankehitriny, amin’ny alalan’ny « mini-réseau ». Tanàna hafa miisa 400, misy mponina 300 isanisany, no efa vita fanadihadiana. Tanjona ny fanitarana ny famatsiana herinaratra amin’ny tontolo ambanivohitra, amin’ny alalan’ny fananganana tobim-pamokarana herinaratra avy amin’ny masoandro 
.
Nanatanteraka dinikasa teto amin’ny biraon’ny WELIGHT Andraharo, ny Minisitry ny Angovo sy ny Akoranafo, Atoa JEAN-BAPTISTE Olivier, androany 27 Febroary 2025. Fivoriana niarahana tamin’ny delegasiona avy amin’ny orinasa WELIGHT, izay notarihin’ny Tale Jeneraliny, Atoa Romain De VILLENEUVE.
– Fihaonana niompana tamin’ny fametrahana paikady fampisitrahana herinaratra amin’ny alalan’ny tetikasa DECIM. Voaresaka ihany koa ny fandraisan’anjaran’ny orinasa WELIGHT tamin’ny fivoriambe M300 ary ny vinan’asa hapetraka hatramin’ny taona 2030.
Tarigetra tamin’ity fihaonana ity ny hanatsarana ny fiaraha-miasa eo amin’ny Fanjakana Malagasy sy ny sehatra tsy miankina (fampiroboroboana ny 3P), fa indrindra ho fampitomboana avo roa heny ny tahan’ny fisitrahana herinaratra eto Madagasikara.
Nandritra izany dia nisy ny fampahafantarana ireo ekipa sy ireo sampan’asa misy eo anivon’ny orinasa. Ohatra ny fampahafantarana ny teknolojia ampiasain’ny orinasa, hoentina manaraka ara-potoana ny filan’ny mpanjifa, sy ny fandaniana (Logiciels permettant de suivre en temps réel la production de chaque mini-réseau, la consommation locale, etc.)