Fifandraisan’ny MEH sy ireo mpiara-miombon’antoka
Noraisin’ny Minisitry ny Angovo sy ny Akoranafo, Atoa JEAN-BAPTISTE Olivier, teto amin’ny toeram-piasany eto Ampandrianomby androany 21 Febroary 2024, ny Masoivoho sady Lehiben’ny Delegasion’ny Vondrona Eoropeana (UE), Rtoa Isabelle DELATTRE BURGER.
Nivoitra nandritra ity fitsidihana ity, ny dinika mahakasika ny fivoaran’ireo tetikasa izay nahazo famatsiam-bola avy amin’ny Vondrona Eoropeana. Ny tanjona dia ny fampandrosoana ny sehatry ny angovo eto Madagasikara sy ny fampidirana herinaratra any amin’ny tontolo ambanivohitra.
Isan’ny sehatra tena mahaliana azy ireo ny angovo azo avaozina ary vonona izy ireo hifanome tanana amin’ny Fanjakana Malagasy.