๐๐๐๐ฅ๐๐๐-๐ ๐๐๐ฆ๐ 
๐ฏ๐๐๐๐๐๐๐๐ ๐๐๐๐๐-๐๐๐๐๐๐๐๐๐๐ ๐๐๐๐๐๐๐๐๐๐๐ ๐๐๐ ๐๐๐ ๐๐๐๐’๐๐ ๐๐๐๐-๐
๐๐๐๐ ๐๐๐ ๐น๐๐๐๐๐๐๐๐๐ ๐ ๐ด๐๐
๐๐๐๐๐๐๐๐๐ ๐๐ ๐บ๐๐๐
Tontosa ny maraina teo teny amin’ny Ministeran’ny Raharaham-bahiny, Anosy ny fanaovan-tsonia fifanaraham-piaraha-miasa eo amin’ny fanjakana Malagasy sy ny Repoblika entim-bahoakan’i Sina.
Fifanarahana izay miompana amin’ny fametrahana tobim-pamokarana herinaratra azo avy amin’ny rian-drano, manana tanjaka 64MW avy amin’ny ranon’Ikopa, eny Ranomafana, lalam-pirenena faha-IV. Fotodrafitr’asan’ny Malagasy madiodio ity ho apetraka ity.
Vinavinaina ho vita afaka telo taona ity fotodrafitr’asa ity, izay hamatsy herinaratra ny Tambazotram-pifandraisan’Antananarivo na ny Rรฉseau Interconnectรฉ d’Antananarivo (RIA), araka ny nambaran’ny Minisitry ny Angovo sy ny Akoran’Afo #MEH Solo Andriamanampisoa.
Izao fotodrafitr’asa izao dia tafiditra indrindra amin’ny fanatanterahana ny Velirano faha-2 an’ny Filoham-pirenena Andry Rajoelina. Tanjona ihany koa ny hampihenana ny masonkarenan’ny famokarana herinaratry ny #JIRAMA.
Azo antoka ny hahafeno ny vokatra herinaratra vatsiana eto amin’ny Tambazotra Iraisan’Antananarivo aorian’ny fahavitan’izao fotodrafitr’asa izao.
Ankoatra ity fotodrafitr’asa ity dia anatin’ny vinan’asa fanarenana ny orinasa #JIRAMA ihany koa ny fanitarana ny tobim-pamokarana herinaratra ao Mandraka 6MW fanampiny, mandroso ihany koa ny asa fametrahana toby famokarana herinaratra manana tanjaka 105MW ao Ambohimanambola izay andrasana ho vitaina amin’ity taona ity. Manampy izany ireo tetik’asa fanatsarana ny tambazotra mpitsinjara herinaratra.