Angovo azo havaozina
Nahazo fankatoavana nandritra ny Filan-kevitry ny Minisitra natao ny 2 Mey 2024 teny amin’ny Lapam-panjakana Iavoloha, ny handraisan’ny Fanjakana an-tanana, ny fandoavana ny hetra sy ny haban-tseranana ho an’ireo fitaovana andiany faha-18 sy faha-19 izay hafarana momba ny Tetikasa 50MW. Tetikasa entina hananganana tobim-pamokarana herinatra avy amin’ny masoandro ho an’ny Distrika 47 eto Madagasikara iarahana amin’ny orinasa JIRAMA.
Ankoatra izay, dia nolaniana ihany koa ny didim-panjakana manendry an’Atoa Ron WEISS ho Tale Jeneralin’ny Orinasa JIRAMA.