Nihaona ny FMI sy ny MEH
Tontosa androany 01 Febroary 2024 teto amin’ny MEF Antaninarenina ny fihaonana teo amin’ny solontenan’ny Tahirim-bola Iraisam-pirenena na FMI, sy ny tompon’andraikitra eto anivon’ny Ministeran’ny Angovo sy Akoranafo (MEH) ary ny JIRAMA. Nitarika ny delegasiona Andriamatoa Minisitra Olivier JEAN-BAPTISTE.
Dinikasa sy adihevitra ho fanatsarana ny sehatry ny angovo sy akoranafo eto Madagasikara.
Voaresaka ihany koa ny fanatsarana ny fitantanana amin’ny ankapobeny eo anivon’ny orinasa JIRAMA. Ny firosoana amin’ny fampiroboroboana ny angovo azo avaozina eto Madagasikara amin’ny alalan’ny tetikasa fananganana tobim-pamokarana herinaratra mandeha amin’ny herin’ny masoandro manerana ny Distrika maro, ny fampidirana herinaratra amin’ny tontolo Ambanivohitra, ny fanatsarana sy fanitarana ny tambazotra mitondra herinaratra sy ireo tetikasa hafa.
Apetraka ho laharam-pahamehana ny tombotsoan’ny vahoaka, izay himasoan’ ny fitondram-panjakana sy ny tompon’andraikitra isan-tokony ary ny mpamatsy vola amin’ny alalan’izao fihaonana izao.