Fanavaozana ny fenitra (NMG 601-01 Mars 2018) momba ny fatana mitsitsy

Fatana mitsitsy
Nafana ny dinika hoenti-manatsara ny kalitao
▶️ Miditra amin’ny andro faharoa eto amin’ny « Coco Lodge » Mahajanga, ny atrikasa fanavaozana sy famolavolana ary fandaniana ny fenitra vaovao amin’ny fatana mitsitsy, mampiasa kitay, sy ny arina fandrehitra (saribao). Ny lafiny teknika no nifantohan’ny dinika fifanakalozana sy adihevitra androany 12 Marsa 2025. Anisany ny bikan’ny fatana, ireo karazany, ny habeny, ny lanjany, ny refiny sy ny akora hanaovana azy.
➡️ Nafana ny dinika eo amin’ireo mpandray anjara, indrindra ireo mpikaroka sy ireo mpamokatra ary solontenan’ny mpiaro ny zon’ny mpanjifa, miaraka amin’ireo tompon’andraikitra isan-tsokajiny. Tarigetra ny hanatsarana ny kalitao sy hanomezana fanamarinana (#certification) ny vokatra iraisana sy eken’ny daholobe, mba ho tombontsoan’ny vahoaka.
🤝🏼 Nanamarika ihany koa ny androany, ny fangatahan’ireo mpamokatra, ny fanohanana amin’ny fiofanana sy fanamafisana traikefa ary fahaiza-manao.
📝 Tanjona amin’ny atrikasa ny fanavaozana ny fenitra (NMG 601-01 Mars 2018) momba ny fatana mitsitsy, hahazoana vokatra tsara ka hampihena ny fandaniana ara-angovo any amin’ny tokantrano tsirairay avy, sy fiarovana ny tontolo iainana amin’ny fandripahana ala ka miteraka ny fiovaovan’ny toetry ny andro.
❇️ Manohana ny ezaka ny Tetikasa « Financement Intégré pour les Energies Durables » (#FIER), miaraka amin’ireo mpiara-miombon’antoka dia ny #PNUD, #UNCDF, #ONUDI, #BNM, #CNRIT. Mitarika ny atrikasa ny Sekretera Jeneralin’ny Ministeran’ny Angovo (#MEH) sy ny Akoranafo, Atoa ANDRIANTSOA Thierry.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *