Tambazotra Iraisan’i Toamasina
Fanatsarana hiarahana amin’ny JICA
Tontosa androany 9 Janoary 2025 teto Ampandrianomby ny fanaovan-tsonia teo amin’ny Ministeran’ny Angovo sy ny Akoranafo (MEH) sy ny Delegasiona avy amin’ny Fitantanana ny Fotodrafitrasa, ny Angovo ary ny Harena an-kibon’ny tany avy amin’ny Foiben’ny JICA-Tokyo, mikasika ny tetikasa fanatsarana ny Tambazotra Iraisan’i Toamasina (Réseau Interconnecté de Toamasina) na RIT.
Tanjona ny hanatsarana ny famatsiana herinaratra eto Madagasikara, anisan’ny misitraka izany ny Faritra Atsinanana. Nanao sonia ny fifanarahana, ny Sekretera Jeneralin’ny MEH, ny Tale Jeneralin’ny JIRAMA ary ny solontenan’ny JICA.
Miisa 62 ny andrin-jiro (poteaux) handrafitra izany, mirefy 3,5 km ny tariby mitondra herinaratra eo amin’ny Fokontany Verrerie hatreo amin’ny Fokontany Bazary Be . Miisa roa ny vata mpanova herinaratra (Transformateur) eo amin’ny »Sous-Station » Verrerie.
Marihina fa hanomboka ny volana Jona 2025 ary hifarana ny taona 2027 ny tetikasa.