Laharam-pahamehana ny fanarenana sy fanatsarana ny JIRAMA
Vahaolana goavana ny fifampiresahana
Mazava fa tsisy resaka fivarotana (privatisation) ny JIRAMA ao anaty sata vaovao
Honohono ny filazana fa hisy ny fanesorana faobe ireo mpiasa
Ny fifanarahana iombonana (convention collective) momba ny zon’ny mpiasa dia tsy ho kitihana
Amporisihina hatrany ny fifampiresahana amin’ny alalan’ireo « délégués » sy « comités d’entreprise », sns
Zo ny fanaovana fitokonana, saingy saropady sy iankinan’ny ain-dehiben’ny Firenena ny lafiny famatsiana herinaratra sy ny rano. Noho izany dia tsy maintsy tanterahana ny asa voafaritra ho an’ny tombontsoan’ny vahoaka
Mila hajaina ireo pitsopitsony momba ny fanaovana fitokonana, ohatra, ny fampilazana mialoha, izay tsy nisy teto
Tsy mety ary tsy azo ekena araka izany ny fanaovana fitokonana tsy mifanaraka amin’ireo voalaza eo ambony
Fanarenana ny JIRAMA
Ny fifampiresahana no vahaolana
Nameno ny tambazotran-tserasera ny fanambarana fitokonana faobe ataon’ny sendikan’ny mpiasan’ny JIRAMA. Ho fikaroham-bahaolana, dia niantso fihaonana tamin’izy ireo ny Minisitry ny Angovo sy ny Akoranafo, Atoa JEAN-BAPTISTE Olivier, ny 8 Jolay 2025. Tsy tonga namaly ny antso nefa ireo solontena mpitarika.