Fampidirinana herinaratra amin’ny CSBVita ny eto Ankililoaky
Tontosa androany 15 Avrily 2024, ny fitokanana ny tobim-pamokarana herinaratra avy amin’ny herin’ny masoandro 
ho an’ny tobim-pahasalamana, CSBII eto amin’ny Kaominina Ankililoaky, Distrika Toliara II, Faritra Atsimo Andrefana.
Tanjon’ny Fanjakana Malagasy, amin’ny alalan’ny Ministeran’ny Angovo sy Akoranafo (MEH) ny hampisitraka angovo madio ho an’ny Tobim-pahasalamana (CSB) miisa 453 manerana ny Nosy amin’ity taona 2024 ity. Tetikasa hiarahana amin’ireo mpiara-miombon’antoka, toy ny LEAD izay hiarahana amin’ny ny Banky Iraisam-pirenena.
Nisolo tena ny Minisitry ny Angovo sy ny Akoranafo, ny Talen’ny Kabinetra, Atoa Odon Marius RANDRIANAINA, notronin’ireo manam-pahefana isan-tsokajiny. Anisany Atoa Governora, ny Lehiben’ny Distrika ao Toliara II, ny Tale Iraisam-paritry ny Ministeran’ny Angovo sy Akoranafo (DIEH) Atsimo Andrefana, sy ny Talem-paritry ny Ministeran’ny Fahasalamam-bahoaka (DRSP) ary ny Ben’ny Tanànan’Ankililoaky.