CHU Tanambao I Antsiranana

Miroso ny ezaka amin’ny fampiasana angovo azo avaozina eto Madagasikara. Vita tanteraka ankehitriny ny fananganana ny tobim-pamokarana herinaratra azo avy amin’ny herin’ny masoandro ( Centrale Solaire na CS) ao amin’ny Kaominina Tanambao I, Distrika Antsiranana, Faritra Diana. Ity CS ity dia hamatsy herinaratra ny Hopitaly (Centre Hospitalier Universitaire na CHU) ao an-toerana.

Tobim-pamokarana herinaratra izay manana tanjaka 41,04 KWc, sy vatoaratra (bancs de batteries ) 30 KWh ary manana milina mampiodina herinaratra (Groupe Electrogène na GE): 80 KVA.

Fotodrafitrasa vaovao vokatry ny fiaraha-miasa eo amin’ny Fanjakana sy ny sehatra tsy miankina (3P).

Anisan’ny tanjona amin’ny fananganana ny CS manerana ny Nosy ny fitsinjovana ny tontolo iainana sy ny fialana amin’ny fampiasana ny solika mavesatra amin’ny famokarana herinaratra eto Madagasikara.

Sary: DIEH Antsiranana