« Branchement Mora » : Manomboka ny any Fianarantsoa#️⃣ « Jiro mora, malaky ». Haravoana ny an’ireo mpanjifa vaovao, misitraka herinaratra, amin’ny alalan’ny tetikasa « Branchement Mora » any Fianarantsoa. Miisa 400 hatreto ireo fisoratana anarana efa voaloa sarany (devis). Mitotaly 5.400 ny vina amin’ny isan’ireo hisitraka jiro amin’ny alalan’ny tetikasa.
Tontosa androany Alatsinainy 10 Jolay 2023 ny fanombohana ofisialy amin’ny fampidiran-jiro « Branchement Mora » ao Fianarantsoa. Nitarika izany ireo delegasiona solontenan’ny eto anivon’ny Ministeran’ny Angovo sy Akoran’afo, ny tompon’andraikitry ny tetikasa eo anivon’ny JIRAMA sy ireo olom-boafidy ary manam-pahefana isan-tsokajiny any an-toerana. Izao dia tafiditra indrindra ao anaty fanatanterahana ny Velirano faha-2 nataon’Atoa Filoham-pirenena Malagasy, « angovo ho an’ny daholobe ».
Sary: DIEH Fianarantsoa