« Branchement Mora » :
Manomboka ny any Sambava
#️⃣ « Jiro mora, malaky ». Mieli-patrana manerana ny Nosy izao ny tetikasa « Branchement Mora ». Nanomboka ny faran’ny herinandro teo ny fampidiran-jiro vaovao ho an’ireo tokantrano maniry ny hisitraka izany ao Sambava. Tao amin’ny fonkontany Ampandrozonana no nisantatra izany, niarahana tamin’ny manam-pahefana isan’ambaratongany notarihin’ny Governoran’ny Faritra, ny Préfet, ny solontenan’ny Ben’ny Tanàna ary Lehiben’ ny Fokontany.
Hitohy manerana ireo Fokontany maro hafa ato amin’ny Kaominina an-drenivohitr’i Sambava ny tetikasa amin’ity herinandro vaovao mitsidika ity, araka ny Velirano faha-2 nataon’ Atoa Filoham-pirenena Malagasy : « Angovo ho an’ny daholobe ».