Fanoitra ho fampandrosoana ny Firenena ny sehatry ny Angovo. Hita sy tsapa maneran-tany ny fiakaran’ny filàna amin’izany. Anisan’ny vahaolana mahomby ny firosoana amin’ny angovo azo havaozina. Maro ireo dingana sy pitsopitsony arahina ho fanatsarana ny sehatra. Anisany ny fametrahana ny lalàna sy rafitra mifehy.
Nisokatra ny 26 Aogositra 2024, ary haharitra 5 andro eto amin’ny « Radisson Blu » Ambodivona ny atrikasa, sady fiofanana, tohanan’ny Banky Iraisam-pirenena, ary hiaraha-miasa amin’ny « Cabinet MacroConsulting » sy ny « Cabinet Gide Loyrette Nouel ». Lahadinika ny famolavolana ny didim-panjakana handrindra sy hifehy ny vidin’ny herinaratra eto Madagasikara.
Mandray anjara ny teknisianina eto anivon’ny Ministeran’ny Angovo sy ny Akoranafo (MEH), ary ireo rantsamangaika : ORE, JIRAMA ary ADER. Ho an’ny andro voalohany dia niompana tamin’ny fampidirana ny fitsipika sy foto-kevitra ara-toekarena ho famaritana ny vidin’ny herinaratra ny atrikasa.
Tanjona ny hamoahana ny didim-panjakana mifehy ny vidin’ny herinaratra sy ho an’ny mpisehatra amin’ny famokarana herinaratra, ho tombontsoan’ny vahoaka Malagasy. Nisolo tena ny MEH nandritra ny fanokafana ny atrikasa ny Sekretera Jeneraly Atoa ANDRIANTSOA Thierry.