Atrikasa sy fiofanana momba ny vidin’ny herinaratra
Nifarana ny 30 Aogositra 2024 ny atrikasa sy fiofanana mikasika ny famolavolana ny didim-panjakana handrindra sy hifehy ny vidin’ny herinaratra eto Madagasikara. Izany dia notanterahina teto amin’ny Radisson Blu Ambodivona nandritra ny 5 andro. Mbola hitohy ny fiaraha-miasa sy fifampiresahana eo amin’ny tompon’andraikitra eto anivon’ny Ministeran’ny Angovo sy ny Akoranafo (MEH) miaraka amin’ireo rantsamangaika (ADER, ORE, JIRAMA) sy ireo teknisianina ao amin’ny »MacroCronsulting ».
Nivoitra nandritra iny atrikasa sy fiofanana, ny famoahana ny tetiandro sy drafitrasa ho famaranana ny volavolan-didim-panjakana mandrindra sy mifehy ny vidin’ny herinaratra eto Madagasikara, sy ho an’ireo mpisehatra amin’ny famokarana herinaratra.