Angovo azo havaozina
Hafainganina ny famoahana ireo fitaovana ho an’ny « Tetikasa 50 MW »
Ho firosoana amin’ny fananganana ireo tobim-pamokarana herinaratra mandeha amin’ny herin’ny masoandro, anaty « Tetikasa 50 MW » dia nanatanteraka fidinana ifotony tao amin’ny seranantsambon’ny Toamasina , ny Alakamisy 29 Aogositra 2024 ny Delegasiona izay notarihin’ny Minisitry ny Angovo sy ny Akoranafo (MEH) Atoa JEAN-BAPTISTE Olivier sy ny Minisitry ny Fitaterana sy ny Famantarana ny Toetry ny Andro (MTM) Atoa RAMONJAVELO Valery ary ireo tompon’andraikitra eo anivon’ny Fadintseranana.
Kaontenera 31 no efa tafavoaka ho an’ny andiany voalohany, ary kaontenera 208 no efa mitoby ao an-toerana ankehitriny.
Tanjona nandritra ity fidinana ifotony ity ny fitsirihana sy hamoahana haingana ireo entana hoentina manatanteraka ny « Tetikasa 50 MW ».
Mifanome tanana amin’ny Fitondram-panjakana amin’ny famoahana ireo kaontenera ireo, ny orinasa miankina sy tsy miankina eto amin’ny seranantsambon’ny Toamasina. Ny tanjona manaraka dia fanombohana haingana ny fanaparitahana ireo fitaovana sy fananganana ireo tobim-pamokarana voalohany.