Angovo azo avaozina
Manohana i Frantsa
#️⃣
Fanamby lehibe ny firosoan’i Madagasikara amin’ny fampiroboroboana ny sehatry ny angovo azo avaozina. Maro ireo Firenena, vonona ny hanohana ny ezaka. Anisany i Frantsa. Nisy ny fihaonana teto Ampandrianomby, androany 8 Avrily 2024, teo amin’ny Minisitry ny Angovo sy ny Akoranafo, Atoa JEAN-BAPTISTE Olivier, sy ny Masoivohon’i Frantsa miasa sy monina eto amintsika, SEM Arnaud GUILLOIS.
Fanamby lehibe ny firosoan’i Madagasikara amin’ny fampiroboroboana ny sehatry ny angovo azo avaozina. Maro ireo Firenena, vonona ny hanohana ny ezaka. Anisany i Frantsa. Nisy ny fihaonana teto Ampandrianomby, androany 8 Avrily 2024, teo amin’ny Minisitry ny Angovo sy ny Akoranafo, Atoa JEAN-BAPTISTE Olivier, sy ny Masoivohon’i Frantsa miasa sy monina eto amintsika, SEM Arnaud GUILLOIS.
Fifanakalozana izay niompana amin’ny fanatsarana ny fiaraha-miasa eo amin’ny Firenena 2 tonta amin’ny sehatry ny angovo sy ny akoranafo.
Maro ny tetikasa izay tohanan’ny Firenena Frantsay. Anisan’ny laharam-pahamehana ny fanatanterahana ny Tetikasa Volobe sy Sahofika.Miara-dia aminy ny famatsiana herinaratra ho an’ny tontolo ambanivohitra. Tanàna 140 no hisitraka angovo amin’ny alalan’ny fiaraha-miasa eo orinasa SAGEMCOM sy ny Orinasa AXIAN. Misy koa ny Tetikasa SUNREF izay vokatry ny famatsiam-bola avy amin’ny « Agence Française de Développement » (AFD). Tanjona ny fanjariana amin’ny angovo maitso, ho fampiroboroboana ny lafiny fizahan-tany.
Eo amin’ny sehatry ny akoranafo indray dia mifanampy amin’ny Fanjakana Malagasy ireo kaompanian-tsolika « TotalEnergies », ny « LPSA » ary ny « Rubis Energie».