Angon-toro ho an’ny arina fandrehitra miaro ny tontolo iainana
Notanterahina androany 6 Martsa 2025 , teto amin’ny » Hôtel Colbert » Antaninarenina ny atrikasa fametrahana ny rafitra nomerika amin’ny fanaraha-maso ny fampiasana arina fandrehitra miaro ny tontolo iainana eto Madagasikara .
Ho an’ny androany dia nisy ny fandrindrana miaraka ny fanangonana ireo angon-toro ( base de données) handrafetana ny tranonkala ho an’ny arina fandrehitra miaro ny tontolo iainana .
Hatreto dia ny angon-toro avy amin’ny Faritra Menabe sy Faritra Atsimo Andrefana no efa am-pelantanan’ny mpiandraikitra, ka hisy ny fiaraha-mientana eo amin’ny Ministera sy ny sehatra tsy miankina ary ny mpamatsy vola ho fanatanterahana ny angona ho an’ny Faritra hafa .
Izany dia mifanindran-dalana amin’ny fanatanterahana ny Politika Ankapoben’ny Fanjakana momba ny fahaiza-mitantana .
Ny fanatanterahana ny tetikasa dia iarahan’ny Ministeran’ny Angovo sy Akoranafo (MEH), sy ny Ministeran’ny Tontolo Iainana sy ny Fampandrosoana Lovainjafy (MEDD) ary tohanan’ny WWF.