Ampisaiko ny angovo madio sady mitsisy, mba hitsinjovako ny taranaka fara aman-dimby

Ho tanterahina eto Mahajanga ny 13, 14, 15 Martsa 2024 ny  » Foire Régionale de l’Energie Propre « . Ho fanomanana ny hetsika dia nisy ny fivoriana natao androany 13 Febroary 2024 tao amin’ny Biraon’ny DDR Faritra Boeny ho an’ireo mpikambana amin’ny  » Plateforme d’Echange sur l’Energie Biomasse  » (PREEB).

Lohahevitra nosafidiana: «  »Ampisaiko ny angovo madio sady mitsisy, mba hitsinjovako ny taranaka fara aman-dimby ».

Tanjona ny fanentanana amin’ny fampiasana arina fandrehitra vita amin’ny akora biolojika, fatana mitsitsy ary ny  »énergie alternative’‘, mba hiarovana ny ala tsy ho ripaka sy ho fitsinjovana ny tontolo iainana.

Mandritra io hetsika io dia hisy ny varotra fampiratiana sy fifaninana isan-karazany ho an’ny mpianatra.

Izany dia eo ambany fitarihan’ny eo anivon’ny Faritra Boeny, ny Tale Iraisam-paritry ny Angovo sy Akoranafo (DIEH) Mahajanga Rtoa VAVIZARA Sylvie, ny DIREDD Boeny-Betsiboka, miaraka amin’ireo mpamokatra arina fandrehitra vita amin’ny akora biolojika, ireo mpamokatra sy mpivarotra fatana mitsitsy, ireo mpamokatra « biogaz », ary ireo mpamokatra « charbon Vert ».

Sary : DIEH Mahajanga