Angovo azo havaozina
Ainga vao miaraka amin’ny Tetikasa FIER
Tanjon’ny Tetikasa FIER (Financement Intégré pour les Energies Durables) ny fanohanana ireo ezaka ataon’ny Governemanta Malagasy eo amin’ny fampiroboroboana ny sehatry ny angovo azo havaozina. Famatsiam-bola ho an’ireo orinasa madinika na salantsalany (PME/Start up) izay manana Tetikasa mamaly ny mason-tsivana, no misitraka ny tantsoroka teknika sy ara-bola.
Manohana ny #PNUD, #ONUDI ary #UNCDF. Mitentina 8,7 tapitrisa Dolara ny famatsiam-bola hanohanana ireo mpisehatra, antsoina hoe « Incubateurs d’Energie Durable » (#IED). Tarigetra ny fanatrarana ny #ODD7, angovo maharitra, madio, maoderina, amin’ny vidin’ny takatry ny besinimaro. Izany dia mifandraika amin’ny vinan’ny Fitondram-panjakana manao hoe « angovo ho an’ny daholobe », izay mikendry ny hampitombo avo roa heny ny tahan’ny fisitrahana herinaratra eto Madagasikara hatramin’ny taona 2025.
Tontosa ny 7 Marsa 2025 teto Mahajanga ny fivoriana nataon’ny Komity mpitantana ny Tetikasa #FIER na « comité de pilotage » (#COPIL). Fotoana nanaovana jery todika ny asa vita, ary ireo ezaka sy vina ho an’ny hoavy. Nitarika izany ny Minisitry ny Angovo sy ny Akoranafo (#MEH), Atoa JEAN-BAPTISTE Olivier, notronin’ny Talen’ny Kabinetra eo anivon’ny Ministeran’ny Toekarena sy ny Fitantanam-bola (#MEF), Rtoa ANDRIANAIVOHERY Florence, izay nisolo tena an-dRtoa Minisitra.