105 MW-Ambohimanambola :
Tonga ao Toamasina ireo milina
Tonga eto Toamasina ankehitriny ny entana nafarana. Tsy ho ela dia hakarina hihazo an’Antananarivo, ireo milina mpihary herinaratra miisa 7 ho an’ny fanitarana ny tobim-pamokarana herinaratra ao Ambohimanambola.
Tsiahivina fa manana tanjaka 15 MW isanisany izy ireo, ka hanome totaliny 105 MW. Tanjona ny hanampiana sy hanatsarana ny kalitaon’ny famatsiana herinaratra amin’ny Tambazotra Iraisan’Antananarivo (RIA).
Famatsiam-bolan’ny Fitondram-panjakana Malagasy no hanatanterahana manontolo ny asa fananganana. Vinavinaina amin’ity taona ity ny fahavitan’ny asa araka ny voalazan’ny teknisianina.