Tsimbazaza

Nosokafana androany 12 Jona 2025 ny Fivoriambe fifanatrehana mivantana eo amin’ny mpikambana amin’ny Governemanta sy ireo Solombavambahoaka.

Nitarika ny fotoana sy nanokatra ny fivoriana ny Filohan’ny Antenimierampirenena, Atoa TOKELY Justin notron’ireo mpikambana eo anivon’ny Birao maharitra.

Nialoha ny fifanatrehana teo amin’ireo andrim-panjakana roa tonta, dia nanatanteraka ny tatitr’ireo asa marobe vitan’ny Governemanta ny Praiministra, Atoa NTSAY Christian. Novelabelarin’ny Lehiben’ny Governemanta nandritra ny 4 ora ny tatitry ny asa vitan’ireo Ministera tsirairay izay voarakitra tamina tahirinkevitra nahatratra 58 pejy.

Taorian’izay dia nitohy avy hatrany tamin’ny fametrahana fanontaniana avy amin’ireo Solombavambahoaka tsirairay avy sy nitatitra ny hetaheta avy amin’ny vahoaka any anivon’ireo Distrika tsirairay avy.

Hitohy rahampitso Zoma ny fifanatrehana eo amin’ny Antenimerampirenena sy ny Governemanta.