Angovo : Fihaonana teny Tsimbazaza

Notanterahina ny Talata 10 Jona 2025 teto amin’ny Antenimierampirenena Tsimbazaza, ny fivoriana teo amin’ireo Solombavambahoaka mpikambana amin’ny Vaomiera misahana ny angovo, sy ny Delegasiona avy amin’ny Ministeran’ny Angovo sy Akoranafo (#MEH) ary ny rantsamangaikany, ny #ADER sy ny #JIRAMA.

Fihaonana tanaty fanajana ny mangarahara izay naharitra adim-pamantaranandro dimy, sy nanome malalaka ireo Solombavambahoaka, amin’ny fametrahana fanontaniana mikasika ny toe-draharaha eo amin’ny sehatry ny angovo ankehitriny .

Lahadinika maro no noresahana nandritra ny fifanakalozan-kevitra, anisan’izany :

– Ny drafitra fanavaozana sy fanarenana ny JIRAMA ary ny sata vaovao mifehy ny orinasa

– Ny fanatanterahana ireo tetikasa fananganana tobim-pamokarana herinaratra avy amin’ny masoandro (hybridation solaire) eto Antananarivo sy any amin’ny Faritra

– Ny famahana ny olan’ny fahatapahan-jiro miverimberina lava sy ny olan’ny famatsian-drano

– Ny dingana manaraka amin’ny Tetikasa 105 MW

– Ny lafiny fanohanana ara-bola avy amin’ny Fanjakana

– Ny fandrosoan’ny asa amin’ireo tetikasa goavana: Volobe, Sahofika, Ranomafana, Antetezambato.

Nanatrika ny fivoriana sy nitarika ny Delegasiona avy amin’ny MEH sy ireo Rantsamangaika, ny Minisitra Atoa JEAN-BAPTISTE Olivier, notronin’ireo tompon’andraikitra isan-tsokajiny.