Ambanja

Porofo hita maso sy azo tsapain-tanana amin’ny fanatanterahana ny Politika Ankapoben’ny Fanjakana (#PGE) momba ny fampiroboroboana ny sehatry ny angovo azo havaozina eto Madagasikara.

Vita ny asa fananganana ary efa miasa nanomboka ny 17 Aogositra 2025 lasa teo, ny tobim-pamokarana herinaratra mandeha amin’ny herin’ny msoandro (#CentraleSolaireHybride) na #CS eto amin’ny Distrikan’Ambanja .

Manana tanjaka 825 kWc ity CS ity, « onduleurs » miisa 11 amina 75kW, takelamasoandro miisa 2.970 manome 330W. Ankilany moa ireo milina mpihary herinaratra miisa 4 izay manana tanjaka 2.300 kW. Manodidina ny 1.100 hatramin’ny 1.300 kW ny filàna herinaratra eto Ambanja amin’ny atoandro (pointe jour) ary 1.700 hatramin’ny 1.900 kW ny alina (pointe nuit).

Ny orinasa « First Energy » no nanao ny fananganana ny fotodrafitrasa, vokatry ny fampiroboroboana ny fiaraha-miasa eo amin’ny Fanjakana sy ny sehatra tsy miankina (#3P).

Tanjona ny hanome angovo madio sy maharitra ary amin’ny vidiny takatry ny daholobe, sy ny fialana tsikelikely amin’ny fampiasana Gazoala na solika mavesatra amin’ny famokarana herinaratra.

Izao koa dia taratry ny firosoana amin’ny vina hampitombo avo roa heny ny tahan’ny vahoaka misitraka herinaratra eto Madagasikara hatramin’ny taona 2030, ka laharam-pahamehana ny tontolo ambanivohitra.