Tomban’ezaka eo amin’ny sehatry ny angovo

Tomban’ezaka eo amin’ny sehatry ny angovo
Tonga eto amintsika ny iraky ny FMI
▶️ Manatontosa iraka eto amintsika mandritra ny herinandro mahery ny Delegasiona avy amin’ny Tahirimbola Iraisam-pirenena na « Fonds Monétaire International » (FMI). Mitarika izany Atoa Lonkeng CONSTANT, otronin’ny Solontena maharitra eto Madagasikara Atoa Eklou KODJOVI.
🏽 Misesy ireo dinikasa iarahan’izy ireo amin’ny tompon’andraikitra isan-tsokajiny eto amintsika. Anisan’izany ny fihaonana tamin’ny Minisiteran’ny Toekarena sy ny Fitantanam-bola (MEF) niaraka tamin’ny Minisiteran’ny Angovo sy ny Akoranafo (MEH), izay tontosa androany 30 Martsa 2026 teny Antaninarenina.
✅ Fotoana niresahana, mahakasika ny JIRAMA, ny sehatry ny angovo amin’ny ankapobeny ary ny fiovaovan’ny vidin-tsolika eto Madagasikara (Mécanisme d’Ajustement Automatique des Prix des Carburants). Mbola hitohy ny fifampidinihana amin’ny herinandro.
📸 Sary : #MEF