Toamasina II: Fampisitrahana « kits solaires » eto Ampasimadinika

Nanomboka androany 9 Aprily 2026, ny fizaràna fitaovana manome herinaratra avy amin’ny masoandro (Kits solaires), ho an’ny tokantrano miisa 2.560 eto amin’ny Kaominina Ambanivohitra Ampasimadinika, Distrika Toamasina II.

Tarigetra ny fanalefahana ny takaitra navelan’ny rivodoza Gezani. Miara-misalahy ny Ministeran’ny Angovo sy ny Akoranafo (#MEH), sy ny Ministeran’ny Fampiroboroboana ny Haitao Ara-kajy Mirindra, ny Paositra sy ny Fifandraisan-davitra (#MNDPT). Mpanohana ny Banky Iraisam-pirenena (#BanqueMondiale) amin’ny alalan’ny Tetikasa #DECIM hotronin’ny « Bamboo Capital Partners » izay misahana ny fitantanana ny « Fonds DECIM ».

Izao dia tohin’ny ezaka efa natomboka tany amin’ny Kaominina Ambanivohitra Fanandrana, izay nizaràna « Kits solaires » ho an’ny tokantrano miisa 6.000. Hitohy ao anatin’ny 3 herinandro eo ho eo izao hetsika eto Toamasina II izao, ka « Kits solaires » miisa 30.000 no ho zaraina mandritra izany.