Mazava izao fa fanakorontanana sy fanohintohinana ny fiainam-bahoaka sy ny filaminana no takoman’ny Sendikan’ny Mpiasan’ny JIRAMA (
) amin’ny voalaza fa fitokonana ataony.
) amin’ny voalaza fa fitokonana ataony.
Voaporofo izany amin’ny alalan’ny fanapahana tsy nahazoan-dalana ny jiro amina toerana maromaro, sy ny fanakatonana an-tery ireo masoivoho ary fandrahonana ireo mpiasa vonona hiasa. Eo koa ny fikasana haka olona amin’ny fomba feno herisetra.
Manoloana ireo karazana fihoaram-pefy sy fandikan-dalàna ireo, dia miantso ny mpiasan’ny JIRAMA tsy hanaiky lembenana, fa hiaro ny tombontsoan’ny Orinasa. 
Laharam-pahamehana ny toebolan’ny Orinasa hahafahana mamelona ireo milina mandeha amin’ny solika, hanamaivana ny delestazy.
Miantso ny vahoaka Malagasy hampandre avy hatrany ireo manam-pahefana akaiky indrindra, vantany vao mahita tranga mampiahiahy.
Tsy azo ekena ny fanaovana takalon’aina ny vahoaka Malagasy, vokatry ny kajy politika sy fanakorontanana ataon’ny SMJ sy ireo mpaniraka any ambadika. Efa mipoitra tsikelikely sy fantatra izao ireo fahavalom-pirenena.
Handray fepetra hentitra ny Fitondram-panjakana, ho fitsinjovana ny tombontsoan’ny vahoaka Malagasy.