Samihafa ny delestazy sy ny fahatapahan-jiro

Delestazy na « délestage économique » na koa « délestage tournant » dia :

Fanapahana ny herinaratra, atao mifandimby isan-toerana, iniana atao vokatry ny tsy fahampian’ny famokarana (Ohatra : maintany ka ambany be ny rano, na tsy maharaka ny solika).

Fahatapahan-jiro na « déclenchement » :

Vokatry ny antony ara-teknika. Maro ireo karazana olana mety mitranga. Ohatra : fahasimbana amin’ny fitaovana (milina mpihary herinaratra, vata mpanova herinaratra, tariby, bakoly, andrin-jiro mianjera …). Mazàna ireo dia ateraky ny fahanteran’ireo fitaovana izay tsy nisy fikojakojana nandritra ny taona maro.

Manao ny ezaka rehetra ny Fitondram-panjakana amin’ny fanavaozana sy fanatsarana ny famatsiana herinaratra eto Madagasikara.