« Réseau CICLE » (Coopération Internationale Climat-Énergie)

Ao anatin’ny ezaka fampiroboroboana ny sehatry ny angovo eto Madagasikara, dia notanterahina androany 19 Martsa 2026 teto amin’ny Hôtel Ibis Ankorondrano ny atrikasa nokarakarain’ny « Réseau CICLE » (Coopération Internationale Climat-Énergie).

Nifantoka tamin’ny fizaràna traikefa momba ny fanofanana arak’asa sy ny fanamafisana ny fahafahan’ny tanora miditra amin’ny asa eo amin’ny sehatry ny angovo ity atrikasa ity.

Nandray anjara mavitrika tamin’ny fifampizaràna traikefa ireo tetikasa avy amin’ny sehatra tsy miankina, toy ny FabLab EnR-Out, Projet Phare, ary IED .

Dingana lehibe ity atrikasa ity amin’ny fametrahana paikady hahafahan’ny tanora mahazo asa maharitra, sady manohana ny fampandrosoana ny sehatry ny angovo eto Madagasikara.

Manamafy hatrany ny fahavononany ny Ministeran’ny Angovo sy ny Akoranafo (#MEH) miaraka amin’ny Ministeran’ny Asa ny Fampananan’Asa ary ny Asam-panjakana ( #MTEFoP) hanohana ireo hetsika mampiroborobo ny fahazoan’ny tanora asa sy ny fanatsarana ny fahaiza-manao, izay fototra iorenan’ny hoavin’ny angovo madio sy maharitra eto Madagasikara.