PERER

Izahay ato amin’ny tetikasa 𝐏𝐄𝐑𝐄𝐑 an’ny GIZ Madagaskar , dia miarahaba ireo teknisianina 25 mianadahy (3 tovovavy) avy ao amin’ny LTP Toliara sy LTP Alarobia, nivoaka tao amin’ny 𝗮𝗻𝗱𝗶𝗮𝗻𝘆 « 𝗦𝗘𝗗𝗥𝗔 », 𝗻𝘆 𝟮𝟳 𝗻𝗼𝘃𝗮𝗺𝗯𝗿𝗮 lasa teo!

Nahatontosa soa aman-tsara ny fiofanana manokana (formation en alternance) momba ny 𝗦𝘆𝘀𝘁𝗲̀𝗺𝗲 𝗦𝗼𝗹𝗮𝗶𝗿𝗲 𝗣𝗵𝗼𝘁𝗼𝘃𝗼𝗹𝘁𝗮𝗶̈𝗾𝘂𝗲 izy ireo, izay nahitàna ny fampianarana momba ny fametrahana sy ny fikojakojana (Installation et Maintenance) ho an’ny sehatry ny Angovo azo havaozina avy amin’ny masoandro.

——————————————————

Antenaina hanatevin-daharana ireo matihanina efa misehatra amin’ny fampandrosoana ny Angovo azo havaozina (Solaire) eto Madagasikara ireto andiany ireto.

———————————————————————-

Betsaka ireo dingana nolalovana tamin’ny fametrahana ity fiofanana manokana eo anivon’ny LTP roa ity, ary naharitra an-taonany maro.

Nandray anjara mavitrika tamin’ny alalan’ny famatsiam-bola (Don) avy tamin’ny 𝗕𝗠𝗭 (𝗠𝗶𝗻𝗶𝘀𝘁𝗲̀𝗿𝗲 𝗳𝗲́𝗱𝗲́𝗿𝗮𝗹 𝗮𝗹𝗹𝗲𝗺𝗮𝗻𝗱 𝗱𝗲 𝗹𝗮 𝗖𝗼𝗼𝗽𝗲́𝗿𝗮𝘁𝗶𝗼𝗻 𝗲́𝗰𝗼𝗻𝗼𝗺𝗶𝗾𝘂𝗲 𝗲𝘁 𝗱𝘂 𝗗𝗲́𝘃𝗲𝗹𝗼𝗽𝗽𝗲𝗺𝗲𝗻𝘁) ny 𝗴𝗼𝘃𝗲𝗿𝗻𝗲𝗺𝗮𝗻𝘁𝗮 𝗮𝗹𝗲𝗺𝗮𝗻𝗮.

Anisan’ny tantsoroka natao tamin’izany ny :

Fampiofanana manokana ireo Mpampianatra ;

Famolavolana ny « Référentiel » na ny Lasim-piofanana ;

Fanavaozana sy fanamboarana ny trano fanaovana asa fampiharana ( Salle des Travaux Pratiques) ;

Fanomezana ny Plateau Technique (fitaovana fampianarana) sy ny système Solaire PV

Isaorana ireo mpiara-miasa noho ny fiara-miasa akaiky teo amin’ny PERER, Ministère de l’Energie et des Hydrocarbures , Ministeran’ny Fampianarana Teknika sy ny Fanofanana arak’Asa, ireo mpampianatra ao amin’ny LTP Alarobia sy Toliara ary ireo sehatra tsy miankina maro: ANKA Madagascar, Africa GreenTec, NEA Madagascar, 𝗦𝗤 𝗩𝗜𝗦𝗜𝗢𝗡, Madecasse Madagascar, 𝗘𝗡𝗔𝗧, Solarma Madagascar, 𝗖𝗔𝗠𝗨𝗦𝗔𝗧.

Mirary soa sy fahombiazana feno ho an’ireo andiany SEDRA amin’ny asa fampiroboroboana ny sehatry ny angovo eto Madagasikara!

ALEFA ANDIANY SEDRA!

#GIZ #PERER #AngovoAzoHavaozina #SolairePV #Fiofanana #Madagasikara #LTPAlarobia #LTPToliara