Angovo azo havaozina
Misokatra ny ‘Guichet 3″ ao amin’ny « Fonds DECIM »
Notanterahina teto amin’ny Hôtel Radisson Blu Ambodivona, androany 19 Septambra 2025 ny fampahafantarana ofisialy ny « Guichet 3 » ao anatin’ny « Fonds DECIM », izay hifantoka tanteraka amin’ny fampisitrahana sy fanapariahana ireo tambazotra madinika mamokatra herinaratra avy amin’ny herin’ny masoandro 
. 
Laharam-pahamehana ny tontolo ambanivohitra.
Fanoitra ho fanohanana sy fanampiana ireo tetikasa rehetra mampiasa ireo teknolojia vaovao, izay mifanaraka amin’ny filàna ara-angovo eto amintsika, ity #Guichet3 ity. 
Hisokatra ny 22 Septambra 2025 hatramin’ny 22 Marsa 2026 ny fandraisana ireo antontan-taratasy ho an’ireo izay liana, ka tetikasa fitaratra (projet pilote) miisa 5 no ho safidiana, hisitraka ny famatsiam-bola mitentina 2 tapitrisa dolara. 
Tokantrano miisa 40.000 no hisitraka angovo madio, maharitra, amin’ny vidiny takatry ny besinimaro. Manohana ny Banky Iraisam-pirenena (#BanqueMondiale).
Tanjona amin’ny #FondsDECIM ny fampandrosoana ny ara-tsosialy sy ara-toekarena ny tontolo ambanivohitra, amin’ny alalan’ny fampidirana herinaratra sy ny haitao ara-kajy mirindra. Tsiahivina fa mahatratra hatramin’ny 2.285.000 ny isan’ireo mponina hisitraka ny tetikasa, ka ny 28,5% dia tokantrano sy orinasa tarihin’ny vehivavy.