MADAGASIKARA – JAPON

Manolo-tanana ny JIRAMA ny Japone, amin’ny alalan’ny JICA, manoloana ny fahavoazan’ireo fotodrafitr’asan’ny JIRAMA rava nandritra ny fandalovan’ny rivodoza GEZANI taty Toamasina.

Nisy ny fidinana ifotony niarahan’ny delegasiona Japone sy ireo teknisiana avy amin’ny JIRAMA mba hanafainganana ny fanatanterahana ireo tetik’asa lehibe vatsian’izy ireo vola, toy ny:

Fanamafisana ny toby famokaran-drano ao Farafaty mba hanatsarana ny tolotra ho an’ny mponina.

Fananganana sous-station vaovao miisa roa ao Bazar Be sy Tanambao Verrerie, miaraka amin’ny fanamboarana ireo zotra mifandray aminy.

Tanjona iraisana ny hamerenana haingana ny kalitaon’ny tolotra sy ny fanamafisana ny fotodrafitr’asa manoloana ny takaitra navelan’ny rivodoza GEZANI.