Halatra takela-masoandro tao Tanandava
Lehilahy miisa 3 sy vehivavy 1 voasambotry ny zandary
Arak
a ny tatitra voaray avy amin’ny CPA Tanandava, androany Alakamisy 28 Mey 2026 , dia nisy halatra takelaka famokarana herinaratra avy amin’ny masoandro miisa roa tao amin’ny tobim-panatobiana entana « Dépôt ZITAN » tao Tanandava, Distrikan’i Toamasina II.
Taorian’ny fampandrenesan’ny vahoaka sy ny fiaraha-miasa tamin’ny Zandarimariam-pirenena avy ao amin’ny Zana-tobim-paritra Tanandava, dia nidina avy hatrany teny an-toerana ireo zandary ka hita nandritra izany ireo takela-masoandro manana tanjaka 575 W.Ny iray dia hita tao amin’ny toerana antsoina hoe « Balance », Fokontany Tanandava , ny takelaka iray hafa kosa hita tao Ambalatenina, Tanandava .
Lehilahy miisa telo (19 , 29 ary 41 taona), sy vehivavy iray (54 taona) araka izany no nosamborin’ny mpitandro ny filaminana.
Nentina natao andrimaso eny amin’ny Tobin’ny Zandarimaria izy ireo, ho an’ny fanadihadiana, ary efa naverina amin’ny tompon’andraikitra ireo takela-masoandro. Efa noraisina ihany koa ny fepetra fanamafisana ny fiambenana ny tobim-panatobiana entana ao Tanandava, izay misy ireo fitaovana hoenti-manangana ireo tobim-pamokarana herinaratra avy amin’ny masoandro, iandraiketan’ny orinasa JIRAMA.