Fizaràna « kit solaire » teto Antetezambaro – Toamasina II

Fokontany miisa 7 eto amin’ny Kaominina Ambanivohitra Antetezambaro, Distrikan’i Toamasina II, no nanohizana ny fizaràna fitaovana manome herinaratra avy amin’ny masoandro (Kit solaire), androany 17 Aprily 2026.

Tokantrano mitotaly 2.029 no nisitraka izany tao : Antanetilava, Ambonivato, Marotanindrazana, Ambodisatrana, Ampasina, Sahantaha, Vohitrandriana.

Tsiahivina fa izao dia hetsika iaraha-misalahy amin’ny Banky Iraisam-pirenena (Banque Mondiale) amin’ny alalan’ny Tetikasa DECIM. Tanjona ny hanatsarana ny fari-piainan’ny vahoaka sy ho fampiroboroboana ny fampiasana angovo azo havaozina.