Fitaterana ireo milina famokarana herinaratra #105MW
Toamasina, faha-9 Oktobra 2025
Taorian’ny fivoriana farany nametrahana ireo pitsopitsony ara-teknika izay notanterahina ny faran’ny herinandro lasa teo teny amin’ny Minisiteran’ny Toekarena sy ny Fitanatanam-bola (#MEF), ary nandraisan’ireo tompon’andraikitra isan-tsokajiny anjara (#MEH, #MTP, #MTM, #TriguEnergy) dia:
nanainga ny maraina teo ny andiany voalohany amin’ireo fitaovam-pamokarana herinaratra #105MW hatsangana eny Ambohimanambola.
Fiara lehibe (camions semi-remorques et porte-char) miisa 8 no mitatitra ireo entana (14 colis) amin’ity andiany voalohany ity, izay ahitana ireto fitaovana manaraka ireto : 
engines oils sump miisa 5, engines fixing rails miisa 8 ary bloc moteur milanja 74t .
Ho firindran’ny fizotran’ny fitaterana sy ny fifamoivoizana eny amin’ny lalam-pirenena faharoa (#RN2) moa dia efa misy ny fepetra izay noraisin’ny Minisiteran’ny Asa Vaventy ary miparitaka amin’ny haino aman-jery sy tambazotra sosialy ofisialy rehetra.