29 oktobra 2025 – 
Tontosa soa aman-tsara teto amin’ny « Amphithéâtre » Ampandrianomby ny famindram-pitantanana teo amin’ny Minisitry ny Angovo sy ny Akoranafo teo aloha, Andriamatoa JEAN-BAPTISTE Olivier, sy ny Minisitry ny Angovo sy ny Akoranafo vaovao, Andriamatoa RALITERA Ny Ando Jurice.
Nambaran’Atoa #MEH fa laharam-pahamehana ao anatin’ny roa volana, ny fitondrana vahaolana amin’ny fahatapahan’ny herinaratra. Eo koa ny fanohizana ireo ezaka sy asa maro efa mandeha, ary ny fandraisana ny hetaheta sy soso-kevitra avy amin’ny ankolafin-kery rehetra eto amin’ny Firenena, ho fampandrosoana ny sehatry ny angovo eto Madagasikara.
Antso avo ho amin’ny fifanomezan-tanan’ny mpisehatra rehetra, no nataon’ny Minisitra, Andriamatoa RALITERA Ny Ando Jurice, ho fanatrarana ny tanjona iraisana.