Fandrafetana ny paikady nasionaly ho an’ny fahombiazana amin’ny angovo

Notanterahina androany 10 Martsa 2026, teto amin’ny Hôtel Ibis Ankorondrano, ny atrikasa fanomanana ny paikady nasionaly ho an’ny fahombiazana ara-angovo eto Madagasikara (Stratégie Nationale d’Efficacité Énergétique).

Fikaonan-doha niompana tamin’ny fifanakalozan-kevitra sy fanamafisana ny fiaraha-miasa eo amin’ny Fanjakana Malagasy sy ireo mpiara-miombon’antoka ary ny sehatra tsy miankina.

Tafiditra ao anatin’ny fanatontosana ny Fandaharan’asa amin’ny angovo eto amin’ny Kaontinanta Afrikanina (CEPA), tohanan’ny Vondrona Eoropeana (UE) sy ny Vaomiera Afrikanina ho an’ny Angovo (AFREC).

Tanjona ny famaritana vina iombonana mikasika ny fampiasana angovo amin’ny fomba mahomby sy maharitra eto Madagasikara.

Ny volana Jona 2026 no hatao ny fankatoavana farany, harahin’ny famoahana ny tondrozotra nasionaly mifehy ny angovo madio sy maharitra, ho fitsinjovana ny tombontsoan’ny vahoaka Malagasy.