Famindram-pitantanana eto anivon’ny MEH
Tontosa androany 28 Novambra 2025 teto amin’ny Amphithéâtre Ampandrianomby ny famindram-pitantanana teo amin’ny Sekretera Jeneraly teo aloha, Andriamatoa ANDRIANTSOA Ny Solofo Thierry, sy ny Sekretera Jeneraly vaovao, Andriamatoa RAKOTONANDRASANA Adolphe.
Nanome voninahitra ny fotoana ny Minisitry ny Angovo sy ny Akoranafo, Andriamatoa RALITERA Ny Ando Jurice, izay nitondra teny fisaorana manoloana ireo ezaka vitan’ny Sekretera Jeneraly teo aloha. .
Nanambara ny Sekretera Jeneraly vaovao fa vonona amin’ny fampandrosoana sy hiara-hientana amin’ny mpiara-miasa rehetra amin’ny fanatanterahana ny asa ho tombotsoan’ny vahoaka Malagasy.
Tsy mora hoy izy ny asa miandry fa vonona hifanome tanana amin’ny rehetra izy mba hahazoana vokatra faran’izay haingana.