Angovo azo avaozinaMandroso ny fiaraha-miasa amin’ny Banky Iraisam-pirenena
Mitohy ary hamafisina ny fiaraha-miasa eo amin’ny Fanjakana Malagasy sy ny Banky Iraisam-pirenena (BM) ho an’ny sehatry ny angovo eto Madagasikara. Laharam-pahamehana ireo Tetikasa amin’ny angovo azo avaozina.
Nisy ny fihaonana teto Ampandrianomby androany 12 Marsa 2024, teo amin’ny Minisitry ny Angovo sy Akoranafo (MEH) Atoa JEAN-BAPTISTE Olivier, sy ny Delegasiona avy amin’ny BM notarihin’ny Solontena maharitra ho an’i Madagasikara sy ny Faritra Afrika Atsinanana sy Atsimo, Atoa Atou SECK.
Lahadinika ny fampandrosoana ireo tetikasa lehibe eo amin’ny sehatry ny angovo azo avaozina. Niompanan’ny fihaonana ny fizaràna ny tomban’ezaka eo amin’ireo asa efa mandeha sy ny ho tontosaina.
Misy ankehitriny ny paikady fanatsarana ny tetikasa angovo azo avy amin’ny riandrano ‘’Volobe’’, ny Tetikasa DECIM, ny « Mini-Grid » amin’ny faritra ambanivohitra. Vokatra azo tsapain-tanana sy haingana no andrasana amin’izany.
Nanamafy ny MEH Atoa JEAN-BAPTISTE Olivier, fa zava-dehibe ho an’ny sehatry ny angovo, ary antoky ny fampandrosoana ny Firenena ny fanatanterahana ireo tetikasa lehibe ireo .